Агар АҚШ йўқолса, дунёнинг қандай аҳволга тушиши аниқланди!

Сиёсат ва иқтисод соҳасидаги илмий экспертлар Қўшма Штатлар дунё харитасидан йўқолса нима содир бўлишини ўрганиб чиқишди, деб ёзмоқда planet-today сайти. Мутахассислар бу йўқотишнинг ҳар бир давлатга ва бир бутун дунёга таъсирини алоҳида ўрганди. Тадқиқот агар Америка бирор сабабга кўра йўқолса, инсоният қаттиқ фожиага юз тутишини кўрсатди.
Олимлар тажриба софлиги учун АҚШ уруш натижасида йўқолишини эътиборга олгани йўқ. Хулосага кўра, АҚШ йўқолса, даставвал, жаҳонда чуқур иқтисодий инқироз бошланади. Чунки молиявий активларнинг катта қисми айнан АҚШдадир. Катта маблағ йўқотилиши ўта хунук оқибатларга олиб келади.
Давлатлар иқтисодини ўнглаб олиши учун ўн йилликлар керак бўлади. АҚШнинг жаҳондаги улкан иқтисодий салоҳиятини эътиборга олсак, унинг ўрнини босувчи бошқа давлат лозим. Россия ва Хитой бу мавқега даъво қилиши эҳтимол. Қолаверса, АҚШ йўқолиши товар алмашувига ҳам акс таъсир кўрсатади.