“Мен ўзимга яқин инсонларни бағримга босгим келади, айтинг-чи бу гуноҳми?”

– Мен ўзимга яқин инсонларни бағримга босгим келади, айтинг-чи бу гуноҳ эмасми?
– Эркак ва аёл кишиларнинг қучоқлашиб кўришларида фақатгина эр ва хотин бир-бири билан қучоқлашиб кўришишлари рухсатдир. Амма ёки хола каби маҳрамлар билан эса қўл бериб ёки елкасидан қоқиб кўришса бўлади. Шунингдек, эркак киши ўзининг онаси, холаси, аммаси, бувиси опа-сингиллари билан кўришганда, агар узоқ сафардан келган бўлса ёки узоқ вақт кўришмаган бўлса, шаҳват бўлмаслиги ва фитнадан омонда бўлиши шарти билан бош ва пешонадан ўпиб кўришиши жоиздир. Лекин опа-сингиллар билан имкон қадар бундай кўришмагани маъқулдир. Валлоҳу аълам.
Manba: muslim.uz