“Imzo”нинг мантиқсиз рекламаларига қарши мактуб: “Ekopen” бош кўтарди!

EKOPEN компаниясининг Imzo брендига аталган очиқ мактуби ижтимоий тармоқларда катта муҳокамага сабаб бўлди. Бу бизнесдаги эл оғзига тушган илк ана шундай ҳолатдир. Ҳаммаси Imzo брендини бозорга олиб чиқишдаги реклама кампаниясидан бошланди. Ундаги бир қатор роликларда хусусий цехларда ишлайдиганлар хизмати нопрофессионал, эскирган ва умуман нотўғри тарзда тасвирланган. Malibu’да ташриф буюрган, қўлларида планшет бўлган дераза ойналарини ўрнатувчилар эса юқори фабрика сифати ва замонавий европача ёндашувни жонлантиришган. Хатда бундай қарама-қаршиликнинг этикага тўғри келмаслиги таъкидланган. EKOPEN бозорнинг барча иштирокчиларини соғлом рақобатга чорлайди.
Бунга қарши чиқиб бўлмайди. Зеро ролик муаллифлари мазкур реклама салоҳиятини етарлича баҳолашмаган. Ахир Imzo бутун бошли кичик ва ўрта бизнес қатламлари обрўсига путур етказиб, мижозларини йиллаб, не машаққатларда тўплаган кишиларнинг “нонини тортиб олмоқда” ва бу қарама-қаршиликда кучлар тенг эмас, албатта.
“Амалга оширилаётган чора-тадбирлар туфайли кичик бизнесда иш билан банд аҳолининг 77 фоиздан кўпроғи меҳнат қилади, унинг ЯИМдаги улуши эса 56,7 фоизгача кўтарилди”.
Бироқ EKOPEN’нинг “юриш”ини кутилмаган дейиш мумкин. Кўп йиллар давомида нейтрал ўйинчи бўлган ҳамда ўз маҳсулотларини бизнес сегментига йўналтирган компания, бугун истеъмолчи билан мулоқотга киришишга уринаётгандек.
ПВХдан дераза ойналари ва эшик ишлаб чиқариш бозорининг бугунги кундаги кўрсаткичларига мурожаат қиладиган бўлсак, ҳозирда бу соҳада бир неча минг цех рўйхатдан ўтган. Ҳар бир цех ўртача ўнлаб кишиларни иш билан таъминлайди. Натижада, бу бозордаги салбий ҳаракатлар кичик корхоналарнинг инқирозга юз тутиши ҳамда кўплаб кишиларнинг ишсиз қолишига олиб келиши мумкин. Бу кишиларнинг оила аъзоларини ҳисобга олиб, кўрсатилган вазиятдаги кумулятив эффект юз минглаб юртдошларимизнинг фаровонлигига таъсир ўтказиши муқаррар”.
Мазкур хат рақибларни бозорнинг барча иштирокчиларини ҳурмат қилиш ҳамда ўз ишига виждонан ёндашишга чақиради.
Бугунги кунга қадар Imzo’нинг маҳсулот тарғиботи деярли бир хил тарзда ифодаланди. Бундан буён бренд ўзини қандай тутишини эса вақт кўрсатади.
Manba: xabardor.uz

Бу янгиликни бошқалар билан ўртоқлашинг:

Опубликовать в Google Plus
Опубликовать в Мой Мир
Опубликовать в Одноклассники

Добавить комментарий

Ваш e-mail не будет опубликован. Обязательные поля помечены *

Муносиб номзодга овоз беринг!
Муносиб номзодга овоз беринг!
Ҳафта афоризми
Ҳафта афоризми
Календар
Ноябрь 2016
Пн Вт Ср Чт Пт Сб Вс
« Окт   Дек »
 123456
78910111213
14151617181920
21222324252627
282930  
Кузатиб боринг!
Кузатиб боринг!
Боғланиш учун
Боғланиш учун
Мақолалар архиви